Mion-chànanan agus Cànanan Dùthchasach
Prìomh Rianachd –  A’ Chuimrigh

Tha roinn Comhairle Bhreatainn-Èirinn pailt ann an dualchas cànain. Tha na buill gu lèir ag iarraidh gach buannachd fhaighinn bho iomadachd cànain tro bhith a’ co-obrachadh, a’ co-roinn nan dòighean-obrach as fheàrr, a’ sgaoileadh fiosrachaidh agus stuthan agus ag ionnsachadh bho chàch a chèile ann an diofar roinnean.
Chaidh Mion-chànanan agus Cànanan Dùthchasach a chur ri roinnean obrach Comhairle Bhreatainn-Èirinn aig an àrd-choinneamh an Jersey ann an 2002.
Choinnich Ministearan ann an Gaillimh san Dàmhair 2006 airson beachdachadh air adhartas ann an trì roinnean: toirt seachad eadar-ghinealach cànain taobh a-staigh na teaghlaich, solar foghlam inbheach, agus ICT airson Mion-chànanan agus Cànanan Dùthchasach. Communiqué

Thathar a’ tuigsinn gu bheil toirt seachad eadar-ghinealach cànain na bhloca togail ro-chudromach ann an gleidheadh cànain. Bha bùth-obrach airson cleachdaichean a tha ag obair ann an raon toirt seachad eadar-ghinealach cànain san teaghlach air a cumail san Dàmhair 2006.

Tha obair a’ dol air adhart san raon seo gus grunn nithean a rannsachadh: modailean de na nithean a dh’obraicheas airson taic do thoirt seachad eadar-ghinealach cànain san teaghlach; mar a dh’fhaodadh modailean a bhith air an gluasad gu suidhichidhean cànain eile; agus comharrachadh beàrnan ann an eòlas; agus ciamar a dh’fhaodadh gach rianachd BIC obrachadh còmhla gus na beàrnan sin a lìonadh.

Tha leasachaidhean o chionn ghoirid ann an goireasan ICT ga dhèanamh nas fhasa mion-chànanan a chleachdadh agus ag àrdachadh an inbhe. Chaidh fo-bhuidheann de eòlaichean a stèidheachadh airson obair san roinn seo a ghluasad air adhart. Bidh co-labhairt do eòlaichean a tha ag obair ann an ICT agus mion-chànanan air a cumail an Cardiff san t-Samhain 2007.

Bidh bùth-obrach do chleachdaichean san t-Samhain 2007 cuideachd gus rannsachadh a dhèanamh air cothroman co-obrachaidh eadar gach rianachd ann an roinn foghlam inbheach.

Bidh rianachd a’ cur cudrom air roinnean ùra mar phàirt den phrògram obrach làthaireach: dealbhadh agus cuid de chùisean agus rannsachadh a bhuineas do chànan; reachdas; agus dàta agus sgrùdaidhean air cleachdadh cànain.
B’ e Mion-chànanan agus Cànanan Dùthchasach prìomh chuspair na Còigeamh Àrd-choinneamh Bhreatainn-Èirinn, a bha ann an Cardiff san t-Samhain 2003. Communiqué

Tha an duilleag seo ri faotainn anns na cànanan a leanas cuideachd:

Cuimris/Cymraeg/The Welsh Language
Gàidhlig Mhanainneach/Gaelg / The Manx Language
Gàidhlig/Gaidhlig / Gaelic in Scotland
Gaeilge/An Ghaeilge/ The Irish Language
Fraingis Guernsey/Guernesiais/Guernsey-French
Fraingis Jersey/Jèrriais / The Jersey Language
Albannais Uladh/Ulstèr-Scotch / The Ulster Scots Language