Ec y trass Chaglym-mullee jeh’n Choonceil Ghoaldagh-Yernagh ayns Jersee sy vlein 2002, v’eh coardit dy ghoghe yn Chruinnaght Reiltys Vretyn yn ard churrym dy chur er oi obbyr sy chooish myn-chengaghyn as chengaghyn sloo ymmydit.

Ta eiraght chengagh lajer ec dagh oltey jeh’n BIC as ta ooilley ny olteynyn jeean dy vuinn ny vondeishyn cummyssagh jeh chengaghyn anchasley liorish co-obbraghey rish, cur magh cliaghtaghyn share, skeaylley fysseree as stoo as gynsaghey rish y cheilley ayns ymmodee aght anchasley.

Ta pabyr goll er croo son yn Chaglym-mullee jeh’n Choonceil vees goll er cummal ayns Bretyn sy Fouyr 2003. Nee yn pabyr shoh, as yn obbyr jeh’n phossan, cooney dy chur fo formoilid yn coonrey as skeaylley fysseree as cliaghtey share er corrym reiltysagh sy rheam jeh myn-chengaghyn dooghyssagh as chengaghyn sloo ymmydit. Nee eh jannoo cummey jeh ymmodee sorch dy h-aghtyn ymmydit neesht ec y traa t’ayn dy chooney chengaghyn ayns ny co-cheeraghyn as cur enney er reddyn raad veagh eh foayssagh dy lhiasaghey co-obbraghyn smoo eddyr ny cologeyn as parteeas ayn.